María Corina Machado reaparez nuna protesta en Caracas y ye "violentamente interceptada"

Miles de persones sofiten en Madrid la protesta convocada pola oposición venezolana

El partíu Vente Venezuela (VV) denunció esti xueves que la líder opositora María Corina Machado foi "violentamente interceptada" dempués de la so salida de la protesta que convocó esti xueves pa reivindicar la victoria del antichavista Edmundo González Urrutia nes presidenciales. El Conseyu Nacional Electoral (CNE) axudicó’l trunfu a Nicolás Maduro.

La formación indicó, al traviés de X, qu’esperen recibir confirmación de la so "situación".

"Efectivos del réxime dispararon escontra les motos que la treslladaben", dixo Vente Venezuela na publicación, ensin dar mayores detalles.

Machado reapareció esti xueves en Caracas arrodiada de cientos de siguidores, dempués de tar na clandestinidá dende’l 28 d’agostu pasáu, cuando participó n’otra protesta a favor del reclamáu trunfu de González Urrutia, a pesar de que’l Conseyu Nacional Electoral (CNE) proclamó la victoria de Maduro.